Fasadlar

Şirkətimiz müxtəlif  fasad şüşələnmə növləri təklif edir. Bunlardan bəzi fasadlar:
– silikon cəbhə
– qapaqlı cəbhə
– aldoks və soyuq alüminium
– izosistemlər
– aluwood
– monet sistemlər və s. Fasadda istifadə olunan müxtəlif şüşə növləri:
– şəffaf (tam görünən). Bu şüşə ən çox tətbiq olunan şüşələrdəndir
– extra clear (extra şəffaf)
– flot (görüntünü 60-70% əngəlləyən rəngli şüşə)
– reflekt (güzgü effektli rəngli şüşələr)
– gree (ultrabənövşəyi şüaları müxtəlif dərəcədə keçirməyən)
– fləş (ekran effektini verən şüşələr).
Tətbiq oluna bilən şüşə növləri adi İran şüşəsindən başqa Türkiyə istehsalı və Belçika istehsalı da ola bilər. Gərək olduqda sertifiklar təqdim olunur. Şüşələri həm Bakıdan, həm də bir başa xaricdən almaq imkanlarımız var.
Şüşə qalınlıqları adətən 4 mm, 6 mm, 8 mm, 10 mm olur. Tempersiz və ya temperli şüşəni Bakıda sizə təklif edə biləcəyiniz maksimal ölçüləri 3.21 m x 2.25 m qədərdir. Ondan böyük ölçülər olduqda “Jumbo” adlanan 4 m x 2.6 m şüşələr sifariş edirik və Azərbaycanın istənilən yerinə çatdırırıq.
Şüşələrin kənarları işin xüsusiyyətinə uyğun işlənir: rodajlanır, cilalanır, müxtəlif ölçülü faskalar açılır.
Müasir texnologiyalar əsasında hazırlanmış şüşə növləri həm günəş şüalarını əngəlləmək xüsusiyyətlərinə malikdir, həm də xüsusi səs keçirməmək və istilik keçirməmək xüsusiyyətlərinə.

Fasad şüşələnmə müasirlik və orijinallığı ilə effektiv görünüşə malik olub maksimum işıqlandırmanı təmin edir. Fasad şüşə binada əlavə ağırlıq yaratmadan onlara harmoniya və xoş görkəm əlavə edir.

Rəngli və güzgülü şüşələr isə ofis binalarının və bankların fasadlarında xüsusilə məşhurdur. Fasad şüşələnmədə istifadə olunan şüşələr zərbəyə davamlı, səs keçirməyən, enerji qənaətli, gün işığından qorunan, yanğına davamlı kimi xüsusiyyətlərə malik olur.

Fasad şüşələnmələrin müxtəlif variantları mövcuddur: qapaqlı, silikon, spider və s.

Silikon cəbhə. Fasadın xarici səthində incə birləşmə xətləri ilə bölünmüş çərçivəsiz şüşə fasad görünüşü yaradır.

Qapaqlı fasadlar. Bu sistemin xarici qabığında yerləşən basma və qapaq elementləri lahiyənin xüsusiyyətinə görə şaquli və yaxud üfüqi olaraq seçilir.

Spider fasad. Sistemin üstünlüyü ondadır ki, estetik görünüşü ilə binaya xüsusi gözəllik və orijinallıq verir. Sistem hər hansı bir konstruksiyalı şüşələnməni yerinə yetirməyə imkan yaradır. Spider şüşələnməsi müasir ticarət mərkəzlərində, sərgi salonlarında, böyük mağazalarda və başqa yerlərdə geniş şəkildə istifadə olunur. Bu sistemdə xüsusi paslanmayan kronşteynlər istifadə olunur ki, bu da onu paslanmaya və kifə qarşı davamlı edir. İstənilən ölçüdə yüksək etibarlılıqla quraşdırıla bilən sistem xüsusi qayğı tələb etmir.

Şirkətimiz Sizin bütün tələblərinizə cavab verən fasadlar və şüşələnmə işlərini yerinə yetirir.